ವಿಜಯ ಸಂಘರ್ಷ
ಚದುರಿ ಹೋದ ಮೋಡ ಮತ್ತೆ ಕಲೆಯಲಾರದೇ...
ಒಡೆದು ಹೋದ ಮನವು ಮತ್ತೆಸೇರಲಾರದೇ..
ನಾನೇ ಮೇಲು ಎಂಬೀ ಮೋಡ ಕರಗಲಾರದೇ..
ಬದುಕಿನಲ್ಲಿ ಅರಿವ ಜೀವ ನಾ ಆಗಬಾರದೇ.. ||
ಎಷ್ಟು ದಿನದ ಮುನಿಸು ನಿನದು ಸೋಲಬಾರದೇ..
ಅಷ್ಟು ಇಷ್ಟು ನನಗೆ ನಿನಗೆ ಇದ ಬಿಡಬಾರದೇ..
ಕಷ್ಟಗಳಲಿ ಕೈಯನಿಡಿದು ನಡೆಸಬಾರದೇ...
ನಿಷ್ಠೆಯಿಂದ ಪ್ರೀತಿ ಹಂಚಿ ನಾಳೆಯೂ ಬದುಕಬಾರದೇ||
ಅಹಂಕಾರ ಕೋಪಗಳನು ಸುಡಬಾರದೇ...
ದ್ವೇಷವೆಂಬ ಒಡಲಾಗ್ನಿಯ ಆರಿಬಾರದೇ...
ತಪ್ಪಿದಾಗ ಒಪ್ಪಿಕೊಂಡು ತಿದ್ದಬಾರದೇ...
ಕ್ಷಮಿಸಿ ಸಹಿಸಿ ಒಡಗೂಡಿ ನಡೆಯಬಾರದೇ.. ||
ಯಾರಿಲ್ಲಿ ಶಾಶ್ವತವೋ ಅರಿಯಬಾರದೇ...
ಇರುವ ನಾಲ್ಕು ದಿನದಲ್ಲಿ ಒಲವು ಬಿತ್ತದೇ...
ಬೆತ್ತಲಾಗಿ ಹೋಗುವಾಗ ಹೆಗಲು ಇಲ್ಲದೇ..
ಇದ್ದಾಗ ಹೊಂದಿಕೊಂಡು ಬಾಳಬಾರದೇ.. ||
ರಂಗನಾಥ ಕ ನಾ ದೇವರಹಳ್ಳಿ ಶಿಕ್ಷಕರು ವಿಶ್ವನಗರ
ಸುದ್ದಿ ಹಾಗೂ ಜಾಹಿರಾತುಗಳಿಗಾಗಿ ಸಂಪರ್ಕಿಸಿ
+919743225795