ಲೋಕ ಸಮರದಲ್ಲಿ ಈ ಬಾರಿ ಬದಲಾವಣೆ ಖಚಿತ: ಆಲಗೂರ ಗೆಲುವು ನಿಶ್ಚಿತ

ವಿಜಯ ಸಂಘರ್ಷ

ಬಿಜಾಪುರ: ಬಸವನ ಬಾಗೇವಾಡಿ ತಾಲೂಕಿನ ಮನಗೂಳಿಯಲ್ಲಿ ಇಂದು ನಡೆದ ಕಾಂಗ್ರೆಸ್ ಪ್ರಚಾರ ಸಭೆಯಲ್ಲಿ 'ಈ ಬಾರಿ ಬದಲಾವಣೆ ಖಚಿತ ಆಲಗೂರ ಗೆಲುವು ನಿಶ್ಚಿತ' ಎಂದು ಮನಗೂಳಿಯ ಮುಖಂಡ ಮಲ್ಲನಗೌಡ ಹೇಳಿದರು.

ಆಲಗೂರರು ಎರಡು ವಿಧಾನಸಭೆ ಚುನಾವಣೆಯಿಂದ ಹಿಂದೆ ಸರಿದಿದ್ದರು. ಇವರೊಬ್ಬ ಪ್ರಬುದ್ಧ, ನೈತಿಕತೆ ಇರುವ ನಾಯಕ ಎಂದರು.

ಲೋಕಸಭೆ ಅಭ್ಯರ್ಥಿ ರಾಜು ಆಲಗೂರರು ಮಾತನಾಡಿ, ರಾಜ್ಯ ಸರಕಾರದ ಗ್ಯಾರಂಟಿ ಯೋಜನೆ ಸೇರಿದಂತೆ ಅನೇಕ ಅಭಿವೃದ್ಧಿ ಕಾರ್ಯಕ್ರಮಗಳನ್ನು ಉದಾಹರಿಸಿ ಮತ ಯಾಚಿಸಿದರು.

ಕಾಂಗ್ರೆಸ್ ಜಿಲ್ಲಾ ಉಪಾಧ್ಯಕ್ಷ ಶಿವನಗೌಡ ಗುಜಗೊಂಡ, ರಾಜುಗೌಡ ಪಾಟೀಲ, ಮಲ್ಲನಗೌಡ ಬಿರಾದಾರ, ಪಪಂ ಸದಸ್ಯ ಪ್ರಕಾಶಗೌಡ ಮನಗೂಳಿ, ಭಾಗಿರಾಜ ಸೊನ್ನದ, ರಾಜೇಂದ್ರ ಪಾಟೀಲ, ಡಾ.ಎಂ.ಡಿ.ಮೇತ್ರೆ, ಗಂಗಾಧರ ಸಂಬಣ್ಣಿ, ಡಾ.ಆರ್.ಕೆ.ಪತ್ತಾರ, ಶ್ರೀಶೈಲ ಸಜ್ಜನ, ವಿಶ್ವನಾಥ ಕೊಳ್ಳಿ, ರಮೇಶ ಪೆರಗಾ, ತಿಪ್ಪಣ್ಣ ಕ್ಯಾತಣ್ಣವರ ಇದ್ದರು.