ವಾಣಿಜ್ಯ ಕೈಗಾರಿಕಾ ಸಂಘದ ನೂತನ ಸಮಿತಿ ಸದಸ್ಯರಿಗೆ ಅಭಿನಂದನಾ ಕಾರ್ಯಕ್ರಮ

ವಿಜಯ ಸಂಘರ್ಷ ನ್ಯೂಸ್ 

ಶಿವಮೊಗ್ಗ: ಜವಳಿ ವರ್ತಕರ ಸಂಘದ ವತಿಯಿಂದ ಛೇಂಬರ್ ಆಫ್ ಕಾಮರ್ಸ್ ನ "ಶಾಂತಲಾ ಸ್ಪೆರೋಕಾಸ್ಟ್" ಸಭಾಂಗಣದಲ್ಲಿ ನಡೆದ ಸರಳ ಸಮಾರಂಭದಲ್ಲಿ "ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘ"ದ ನೂತನ ಕಾರ್ಯಕಾರಿ ಸಮಿತಿಯ ಸದಸ್ಯರಿಗೆ ಬುಧವಾರ ಅಭಿನಂದಿಸಲಾಯಿತು. 

ಪ್ರತಿಷ್ಠಿತ ಸಂಸ್ಥೆಯಾಗಿ ಮತ್ತು ಜನೋಪ ಯೋಗಿ,ಸಮಾಜಮುಖಿ ಕಾರ್ಯಕ್ರಮಗಳ ಮೂಲಕ ಹೆಗ್ಗುರುತನ್ನು ಮೂಡಿಸಿರುವ ಸಂಘದ ನೂತನ ಅದ್ಯಕ್ಷ ಬಿ.ಗೋಪಿನಾಥ್ ರವರು ಉದ್ದೇಶಿತ ಬೃಹತ್ "ಶಿವಮೊಗ್ಗ ಹಬ್ಬ" ವನ್ನು ಮುಂಬರುವ ದಿನಗಳಲ್ಲಿ ಆಯೋಜಿ ಸುವ ಮೂಲಕ ವ್ಯಾಪಾರ, ಕೈಗಾರಿಕೆ, ಪ್ರವಾಸೋದ್ಯಮ ಮುಂತಾದ ಹಲವಾರು ಆಯಾಮಗಳಲ್ಲಿ ಶಿವಮೊಗ್ಗವನ್ನು ರಾಜ್ಯ ಮತ್ತು ರಾಷ್ಟ್ರ ಮಟ್ಟದಲ್ಲಿ ಗುರುತಿಸುವಂತೆ ಮಾಡುವ ಅನೇಕ ಯೋಜನೆಗಳನ್ನು ಹೊಂದಿರುವುದಾಗಿ ತಮ್ಮ ಅಭಿನಂದನಾ ನುಡಿಗಳಲ್ಲಿ ತಿಳಿಸಿದರು. 

ಇದೇ ಸಂದರ್ಭದಲ್ಲಿ ಜಿಲ್ಲಾ ಉಪಾಧ್ಯಕ್ಷ ಜಿ. ವಿಜಯಕುಮಾರ್. ಕಾರ್ಯದರ್ಶಿ ಎ ಎಂ ಸುರೇಶ್. ಖಜಾಂಚಿ ಮನೋಹರ್. ಸಹಕಾರದ ಸುಕುಮಾರ್ ರವರಿಗೆ ಅಭಿನಂದಿಸಲಾಯಿತು.

 ಜವಳಿ ವರ್ತಕರ ಸಂಘದ ಸುರೇಶ್ ಕುಮಾರ್ ಬೇದ್ರೆ ಅಧ್ಯಕ್ಷತೆ ವಹಿಸಿದ್ದರು. ಕಾರ್ಯದರ್ಶಿ ಪ್ರಭಾಕರ್ ರವರ ಸ್ವಾಗತಿಸಿದರೆ, ಅನಿಲ್ ಕುಮಾರ್. ಹೆಚ್.ಶೆಟ್ಟರ್ ನಿರೂಪಿಸಿ ,ರಾಕೇಶ್ ಸಾಕ್ರೆ ವಂದಿಸಿದರು.