ವಿಜಯ ಸಂಘರ್ಷ
ಶಿವಮೊಗ್ಗ: ಅಳಿವಿನ ಅಂಚಿನಲ್ಲಿರುವ ಅಪರೂಪದ ಪ್ರಾಣಿ ನೀಲ್ಗಾಯ್ ಹುಲಿ ಮತ್ತು ಸಿಂಹಧಾಮದಲ್ಲಿ ಕಳೆದ ಮೂರು ದಿನದ ಹಿಂದೆಯೇ ಸಾವನ್ನಪ್ಪಿದೆ ಎಂದು ಸಿಂಹಧಾಮದ ಮೂಲಗಳು ತಿಳಿಸಿವೆ.
ನೀಲ್ಗಾಯ್ಗಳು ಹಾಗೂ ಜಿಂಕೆಗಳನ್ನು ಒಂದೇ ಕಡೆ ಇಡಲಾಗಿತ್ತು. ಹಾಲಿ ಸಿಂಹಧಾಮದಲ್ಲಿ ಸಾಕಷ್ಟು ಬದಲಾವಣೆಗಳನ್ನು ಮಾಡಲಾಗುತ್ತಿದೆ. ಇದಕ್ಕಾಗಿ ನೀಲ್ಗಾಯ್ ಹಾಗೂ ಜಿಂಕೆಯನ್ನು ಬೇರ್ಪಡಿಸಲಾಗುತ್ತಿದೆ. ಬೇರ್ಪಡಿಸುವ ಪ್ರಕ್ರಿಯೆಯಲ್ಲಿ ನೀಲ್ಗಾಯ್ ಮೃತಪಟ್ಟಿದೆ ಎಂದು ಹುಲಿ ಮತ್ತು ಸಿಂಹಧಾಮದ ಮೂಲಗಳು ತಿಳಿಸಿವೆ.
ತಾಲೂಕಿನ ತ್ಯಾವರೆಕೊಪ್ಪದ ಹುಲಿ ಮತ್ತು ಸಿಂಹಧಾಮವು ಕೇಂದ್ರ ಮೃಗಾಲಯದ ವ್ಯಾಪ್ತಿಗೆ ಒಳಪಟ್ಟಿದ್ದು, ನೀಲ್ಗಾಯ್ಗಳನ್ನು ಗೇಜ್ನಲ್ಲಿ ಹಾಕಿ ಸ್ಥಳಾಂತರ ಮಾಡುವಾಗ ಬೇರೆ ನೀಲ್ಗಾಯ್ಗಳು ಸಾಯಿಸಿರಬಹುದೆಂದು ಅಂದಾಜಿಸಲಾಗಿದೆ. ಒಟ್ಟು 19 ನೀಲ್ಗಾಯ್ಗಳನ್ನು ಮೈಸೂರು ಮೃಗಾಲಯದಿಂದ ತರಲಾಗಿತ್ತು. ಇದರಲ್ಲೀಗ ಒಂದು ಮೃತಪಟ್ಟಿರುವ ಕಾರಣ ಸದ್ಯಕ್ಕೆ18 ನೀಲ್ಗಾಯ್ಗಳಿವೆ.
ವಿಜಯ ಸಂಘರ್ಷಕ್ಕೆ ಸುದ್ದಿ ನೀಡಲು ಕರೆ ಮಾಡಿ
+91 9743225795