ವಿಜಯ ಸಂಘರ್ಷ
ತೀರ್ಥಹಳ್ಳಿ: ತಾಲೂಕಿನ ತ್ರಿಯಂಬಕ ಪುರ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಹುಲ್ಲತ್ತಿ - ದೆಮ್ಲಾಪುರ ಮಾರ್ಗದ ಮಧ್ಯೆ ಜನನಿಬಿಡ ಪ್ರದೇಶದಲ್ಲಿ ಯಾರೋ ಅಪರಿಚಿತರು ನೂರಕ್ಕೂ ಹೆಚ್ಚು ಸತ್ತ ಕೋಳಿಗಳನ್ನು ಚರಂಡಿಗೆ ಎಸೆದು ಹೋಗಿದ್ದರು. ಈ ಸತ್ತ ಕೋಳಿಗಳಿಂದ ಈ ಪ್ರದೇಶ ದುರ್ನಾತದಿಂದ ತುಂಬಿತ್ತು. ವಾಸನೆಯಿಂದ ರಸ್ತೆಯಲ್ಲಿ ಸಾರ್ವಜನಿ ಕರಿಗೆ ಓಡಾಡಲು ತೊಂದರೆಯಾಗು ತ್ತಿತ್ತು. ವಿಷಯ ತಿಳಿದ ಜಯಕರ್ನಾಟಕ ಸಂಘಟನೆಯ ಯುವ ಮುಖಂಡ ಕಾರ್ತಿಕ್ ಅಕ್ಲಾಪುರ ಕೂಡಲೇ ಸಂಬಂಧ ಪಟ್ಟ ಗ್ರಾಮ ಪಂಚಾಯತಿಗೆ ಮಾಹಿತಿ ನೀಡಿದ್ದಾರೆ.
 |
ತಕ್ಷಣ ಕಾರ್ಯ ಪ್ರವೃತ್ತರಾದ ಗ್ರಾಮ ಪಂಚಾಯತಿ ಕಾರ್ಯದರ್ಶಿ ಚಂದ್ರಶೇಖರ್, ಗ್ರಾಮ ಪಂಚಾಯತಿ ಅಧ್ಯಕ್ಷ ಸತ್ಯ ದೇವ್, ಸದಸ್ಯ ಹುಲ್ಲತ್ತಿ ದಿನೇಶ್‌ ಈ ಸತ್ತ ಕೋಳಿಗಳನ್ನು ಸ್ಥಳೀಯ ಕಾರ್ಮಿಕರ ಸಹಕಾರದಿಂದ ಗುಂಡಿ ತೆಗೆಸಿ ಹೂಳುವ ಮೂಲಕ ತಮ್ಮ ಕಾರ್ಯದಕ್ಷತೆಯನ್ನು ಮೆರೆದಿದ್ದಾರೆ.
ಈ ಕಾರ್ಯಕ್ಕೆ ಆ ಭಾಗದ ಅನೇಕ ಸಾರ್ವಜನಿಕರು ಅಭಿನಂದನೆ ಸಲ್ಲಿಸಿದ್ದಾರೆ.
ಈ ಸಂಧರ್ಭದಲ್ಲಿ ಗ್ರಾಮ ಪಂಚಾಯತಿ ಸಿಬ್ಬಂದಿಗಳಾದ ಜಗದೀಶ್, ಅಣ್ಣಪ್ಪ, ಗೋಪಾಲಕೃಷ್ಣ, ಮನೋಜ್ ಸ್ಥಳೀಯರಾದ ಪುಟ್ಟಣ್ಣ ಹುಲ್ಲತ್ತಿ, ನಾಗರಾಜ್ ಹಿತ್ತಲಸರ , ಸದಾನಂದ, ವಾಸುದೇವ್ ಹೊಸಕೊಪ್ಪ ಮತ್ತಿತರರು ಇದ್ದರು.
✍🏻ಸುದ್ದಿ: ಶ್ರೀಕಾಂತ್ ವಿ. ನಾಯಕ್
ತೀರ್ಥಹಳ್ಳಿ
ವಿಜಯ ಸಂಘರ್ಷಕ್ಕೆ ಸುದ್ದಿ ನೀಡಲು ಕರೆ ಮಾಡಿ +91 9743225795