ದಟ್ಟ ಅರಣ್ಯದಲ್ಲಿ ಸುಟ್ಟು ಕರಕಲಾದ ಕಾರಿನಲ್ಲಿ ಡೆಡ್ ಬಾಡಿ.?

 

ವಿಜಯ ಸಂಘರ್ಷ

ತೀರ್ಥಹಳ್ಳಿ: ತಾಲ್ಲೂಕಿನ ಸಾಲೂರು ಗ್ರಾಮ ಪಂಚಾಯತಿ ವ್ಯಾಪ್ತಿಯ ಮಿಟ್ಲುಗೋಡು ದಟ್ಟ ಅರಣ್ಯ ಪ್ರದೇಶದಲ್ಲಿ ಸುಟ್ಟು ಕರಕಲಾಗಿರುವ ಮಾರುತಿ ಕಂಪನಿಯ ಸ್ವಿಫ್ಟ್ ಕಾರೊಂದು ಪತ್ತೆಯಾಗಿದ್ದು, ಅದರೊಳಗೆ ಪೂರ್ಣ ಪ್ರಮಾಣದಲ್ಲಿ ಸುಟ್ಟ ಮೃತದೇಹ ಕಂಡು ಬಂದಿದೆ.

ಇಂದು ಸೌದೆಗಾಗಿ ಗ್ರಾಮಸ್ಥರು ಕಾಡಿಗೆ ಧಾವಿಸಿದಾಗ  ಬಣ್ಣ, ನೋಂದಣಿ ಸಂಖ್ಯೆಯ ಗುರುತೂ ಸಿಗದಷ್ಟರ ಮಟ್ಟಿಗೆ ಬೆಂಕಿಗಾಹುತಿ ಯಾದ ಕಾರು ಮತ್ತು ವ್ಯಕ್ತಿಯ ಕಳೇಬರ ಕಂಡು ಬಂದಿದೆ. ಗಾಬರಿಯಾದ ಗ್ರಾಮಸ್ಥರು  ತಕ್ಷಣವೇ ಪೊಲೀಸರಿಗೆ ಸುದ್ದಿ ಮುಟ್ಟಿಸಿದ್ದಾರೆ. ತಡಮಾಡದೇ ಸ್ಥಳಕ್ಕೆ ಧಾವಿಸಿದ ತೀರ್ಥಹಳ್ಳಿ ಪೊಲೀಸರು ಸುಟ್ಟ ಕಾರಿನ ಮತ್ತು ವ್ಯಕ್ತಿಯ ಗುರುತು ಪತ್ತೆಹಚ್ಚುವ ಕಾರ್ಯಕ್ಕೆ ಮುಂದಾಗಿದ್ದಾರೆ.

ವಿಜಯ ಸಂಘರ್ಷಕ್ಕೆ ಸುದ್ದಿ & ಜಾಹೀರಾತು ನೀಡಲು ಕರೆ ಮಾಡಿ +91 9743225795