ವಿಜಯ ಸಂಘರ್ಷ
ಸಾಗರ: ನಗರ ಹಾಗೂ ಗ್ರಾಮಾಂತರ ಭಾಗದಲ್ಲಿ ಅಕ್ರಮವಾಗಿ ಗೋವು ಕಳ್ಳತನ ಮಾಡುತ್ತಿದ್ದ ಗೋ ಕಳ್ಳರನ್ನು ಸಾಗರ ಪೊಲೀಸರು ಮಿಂಚಿನ ಕಾರ್ಯಾಚರಣೆ ನಡೆಸಿ ಐದು ಆರೋಪಿಗಳನ್ನು ಹಾಗೂ ಕಳ್ಳತನಕ್ಕೆ ಬಳಸುತ್ತಿದ್ದ ಸ್ಕಾರ್ಪಿಯೋ ಕಾರನ್ನು ವಶಕ್ಕೆ ಪಡೆದಿದ್ದಾರೆ.
ರಾತ್ರಿ ವೇಳೆ ಗೋವುಗಳನ್ನು ವಾಹನ ದಲ್ಲಿ ತುಂಬಿ ಅಕ್ರಮವಾಗಿ ಸಾಗಾಟ ಮಾಡುತ್ತಿದ್ದ ಶಿವಮೊಗ್ಗ ಮೂಲದ ಸಯ್ಯದ್ ದಸ್ತಗೀರ್ ಯಾನೆ ತನ್ನು(24),ಸಿಖಂದರ್ (32) ತುಂಗಾ ನಗರ. ಅಮಾನುಲ್ಲಾ ಯಾನೆ ಅಮಾನ್ (22) ಶಿವಮೊಗ್ಗ. ಹಾರ್ನಳ್ಳಿ ಮೂಲದ ಮೊಹಮ್ಮದ್ ರೂಹಿತ್(24) ಹಾಗೂ ಮಂಗಳೂರು ಬಜ್ಪೆ ಮೂಲದ ಫೈಝಲ್(37) ಬಂಧಿತ ಆರೋಪಿಗಳು ಹಾಗೂ ಕಪ್ಪು ಬಣ್ಣದ KA 34 M 3701 ನೊಂದಣಿಯ ಸ್ಕಾರ್ಪಿಯೋ ಕಾರ್ ವಶ ಪಡಿಸಿಕೊಳ್ಳಲಾಗಿದೆ.
ಬಂಧಿತ ಈ ಐದು ಜನರ ತಂಡ ಸಾಗರ. ತೀರ್ಥಹಳ್ಳಿ ಹೊಸನಗರ. ಶಿವಮೊಗ್ಗ ಪಟ್ಟಣ ಮತ್ತು ಗ್ರಾಮಾಂತರ ಭಾಗಗಳಲ್ಲಿ ರಾತ್ರಿ ವೇಳೆ ಗೋವುಗಳನ್ನು ಕಳುವು ಮಾಡಿ ವಾಹನದಲ್ಲಿ ತುಂಬಿ ಸಾಗಾಟ ಮಾಡುತ್ತಿದ್ದರು.
ಆರೋಪಿಗಳ ಜಾಡು ಹಿಡಿದು ಹೊರಟ ಸಾಗರ ಪೊಲೀಸರು ತಲೆಮರೆಸಿಕೊಂಡಿದ್ದ ಆರೋಪಿ ಗಳನ್ನು ಬಂಧಿಸಿ ಹೆಡೆಮುರಿ ಕಟ್ಟಿದ್ದಾರೆ. ಕರ್ನಾಟಕ ಗೋಹತ್ಯೆ ನಿಷೇಧ ಅಡಿಯಲ್ಲಿ ಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಜಿಲ್ಲಾ ವರಿಷ್ಠಾಧಿಕಾರಿ ಬಿ.ಎಂ. ಲಕ್ಷ್ಮಿ ಪ್ರಸಾದ್ ಮಾರ್ಗದರ್ಶನ,ಹೆಚ್ಚುವರಿ ರಕ್ಷಾಣಾಧಿಕಾರಿ ಶೇಖರ್ ಟೆಕ್ಕಣ್ಣನವರ್ ಸೂಚನೆಯಂತೆ. ಸಾಗರ DYSP ವಿನಾಯಕ್ ಎನ್ ಶೇಟಗೆರಿ ನಿರ್ದೇಶನದಲ್ಲಿ ಪೊಲೀಸ್ ಇನ್ಸ್ಪೆಕ್ಟರ್ ಅಶೋಕ್ ಕುಮಾರ್ ಮತ್ತು ಗ್ರಾಮಾಂತರ ಪೊಲೀಸ್ ಇನ್ಸ್ಪೆಕ್ಟರ್ ಗಿರೀಶ್ ರವರ ನೇತೃತ್ವ ದಲ್ಲಿ ವಿಶೇಷ ತಂಡ ರಚಿಸಿ ಕಾರ್ಯ ಚರಣೆ ನಡೆಸಿ ಗೋ ಕಳ್ಳತನ ದಲ್ಲಿ ಭಾಗಿಯಾಗಿದ್ದ ಐದು ಮಂದಿ ಆರೋಪಿಗಳನ್ನು ಬಂಧಿಸಿದ್ದಾರೆ. ಕಾರ್ಯಾಚರಣೆಯಲ್ಲಿ ಕಾರ್ಗಲ್ ಪೊಲೀಸ್ ಠಾಣೆಯ ಪಿ ಐ ತಿರುಮಲೇಶ್, ಕ್ರೈಮ್ ಸಿಬ್ಬಂದಿ ಗಳಾದ ಸಂತೋಷ್ ನಾಯ್ಕ್, ಹಜರತ್ ಅಲಿ, ಶ್ರೀಧರ್, ಅಶೋಕ್.ತಾರಾನಾಥ್. ಬಸವರಾಜ್, ರಮೇಶ್, ಮಲ್ಲೇಶ,ಜಯಂತ್ ರಾಘು, ರವಿ, ಪ್ರಕಾಶ್ ಅಂಬಳಿ ಹಾಗೂ ಇನ್ನಿತರರು ಕಾರ್ಯಾಚರಣೆಯಲ್ಲಿದ್ದರು.
ಸುದ್ದಿ ಹಾಗೂ ಜಾಹೀರಾತಿಗಾಗಿ ಕರೆ ಮಾಡಿ +91 9743225795