ವಿಜಯ ಸಂಘರ್ಷ
ಭದ್ರಾವತಿ: ನಟ ಪವರ್ ಸ್ಟಾರ್ ಮೇಲಿನ ಅಭಿಮಾನವು ದಿನದಿಂದ ದಿನಕ್ಕೆ ಉಕ್ಕಿ ಹರಿಯುತ್ತಲೇ ಇದೆ. ನೇತ್ರದಾನ, ರಕ್ತದಾನ, ಅನ್ನಸಂತ ರ್ಪಣೆ ಇನ್ನಿತರ ಸಾಮಾಜಿಕ ಸೇವಾ ಕಾರ್ಯಗಳ ಮೂಲಕ ಅಭಿಮಾನಿ ಗಳು ಅವರ ಮೇಲಿನ ಅಭಿಮಾನ ತೋರುತ್ತಿದ್ದಾರೆ.
ಅದೇ ರೀತಿ ಕಾಗದ ನಗರದ ಕುಂಚಕಲಾವಿದ ವಿಷ್ಣುಕುಮಾರ್ ವಿಭಿನ್ನವಾಗಿ ಪುನೀತ್ ರಾಜ್ಕುಮಾರ್ ಮೇಲಿನ ಅಭಿಮಾನವನ್ನು ಹೊರ ಹಾಕಿದ್ದಾರೆ.
ಕಲಾವಿದ ವಿಷ್ಣು ತಮ್ಮ ಕುಂಚದಲ್ಲಿ ನಟ ಪುನೀತ್ ರಾಜ್ಕುಮಾರ್ ಅವರನ್ನು ಚಿತ್ರಿಸುವ ಮೂಲಕ ಅಪ್ಪು ಮೇಲಿನ ಅಭಿಮಾನ ಮೆರೆದಿದ್ದಾರೆ. ಬಾಲ್ಯದಿಂದಲೂ ಚಿತ್ರಕಲೆಯ ಹವ್ಯಾಸವನ್ನು ಬೆಳೆಸಿಕೊಂಡಿದ್ದಾರೆ.
ಅಲ್ಲದೆ ಅಪ್ಪು ಅಭಿಮಾನಿ. ವಿಷ್ಣು ನಟ ಪುನೀತ್ ರಾಜ್ ಕುಮಾರ್ ನೆನಪನ್ನು ಅಚ್ಚ ಹಸಿರಾಗಿಸಬೇಕೆಂದು ತಾವೇ ತಮ್ಮ ಕುಂಚದಲ್ಲಿ ಸತತ ಎರಡು ಗಂಟೆಗಳ ಕಾಲ ಪುನೀತ್ ಅವರ ಚಿತ್ರವನ್ನು ಚಿತ್ರಿಸಿ ಬಣ್ಣ ತುಂಬಿದ್ದಾರೆ.
ವಿಷ್ಣುಕುಮಾರ್ ರಚಿಸಿದ ಚಿತ್ರಕ್ಕೆ ಎಲ್ಲಾ ಕಡೆ ಪ್ರಶಂಸೆ ವ್ಯಕ್ತವಾಗಿದೆ. ಅಪ್ಪು ಅಭಿಮಾನಿಯ ಅಭಿಮಾನಕ್ಕೆ ಜನ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
ಸುದ್ದಿ ಹಾಗೂ ಜಾಹೀರಾತಿಗಾಗಿ ಕರೆ ಮಾಡಿ +91 9743225795