ಶಾಂತವೇರಿ ಗೋಪಾಲ ಗೌಡರು ಮೌಲ್ಯಗಳನ್ನು ಬಿಟ್ಟುಹೋದ ಸಾಧಕ

ವಿಜಯ ಸಂಘರ್ಷ

ಭದ್ರಾವತಿ: ಪ್ರಜೆಗಳಂತೆಯೇ ರಾಜಕಾರಣಿ ಗಳಿಗೂ ಜವಾಬ್ದಾರಿ ಗಳಿವೆ ಎಂಬುದನ್ನು ತಿಳಿಸಿದ ಜವಾಬ್ದಾರಿಯುತ ರಾಜಕಾರಣಿ ಶಾಂತವೇರಿ ಗೋಪಾಲಗೌಡರು ಎಂದು ಕಸಾಪ ಜಿಲ್ಲಾಧ್ಯಕ್ಷ ಡಿ.ಮಂಜುನಾಥ ಹೇಳಿದರು.

ಕನ್ನಡ ಸಾಹಿತ್ಯ ಪರಿಷತ್ತು ಹಾಗು ಲಯನ್ಸ್ ಕ್ಲಬ್ ಸಹಯೋಗದಲ್ಲಿ ನಗರದ ಲಯನ್ಸ್ ಕ್ಲಬ್ ನಲ್ಲಿ ಆಯೋಜಿಸಲಾಗಿದ್ದ ಸಮಾಜವಾದಿ ನಾಯಕ ಶಾಂತವೇರಿ ಗೋಪಾಲ ಗೌಡರ ಜನ್ಮಶತಮಾನೋತ್ಸವ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಇಂದಿನ ತಲೆಮಾರಿಗೆ ಗೋಪಾಲಗೌಡರ ಜೀವನ ಒಂದು ಕಥೆ ಅನಿಸಬಹುದು. ಆದರೆ ಅವರ ಜೀವನ ಆದರ್ಶ ಮತ್ತು ಮುಂದಿನ ಪೀಳಿಗೆಗೆ ಮಾದರಿ.ಬದುಕಿದ್ದು 49ವರ್ಷ ವಾದರೂ ಅವರ ಸಾಧನೆ ಬಹಳಷ್ಟು. ಗೋಪಾಲಗೌಡರ ಮಾತಿಗೆ ಬಹಳಷ್ಟು ಜನರು ಸೇರುತ್ತಿದ್ದರು ಎಂದರು.