ವಿಜಯ ಸಂಘರ್ಷ
ಭದ್ರಾವತಿ: ಸರ್ಕಾರಿ ಕಿರಿಯ ತಾಂತ್ರಿಕ ಶಾಲೆ"ಯು 2023- 24ನೇ ಶೈಕ್ಷಣಿಕ ಸಾಲಿನ ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಶೇ. 90.37 ಫಲಿತಾಂಶ ವನ್ನು ಪಡೆದು ಕೊಂಡಿರುತ್ತದೆ.
ಒಟ್ಟು 52 ವಿದ್ಯಾರ್ಥಿಗಳು ಪರೀಕ್ಷೆ ಬರೆದಿದ್ದು 1 ಡಿಸ್ಟಿಂಕ್ಷನ್, 27 ಪ್ರಥಮ, 18 ವಿದ್ಯಾರ್ಥಿಗಳು ದ್ವಿತೀಯ ದರ್ಜೆಯಲ್ಲಿ ಹಾಗೂ ಓರ್ವ ವಿದ್ಯಾರ್ಥಿ ತೃತೀಯ ದರ್ಜೆಯಲ್ಲಿ ತೇರ್ಗಡೆ ಹೊಂದಿರುತ್ತಾರೆ.
ನಿಹಾರಿಕಾ ಜೆ- 714 (775) ಉನ್ನತ ಶ್ರೇಣಿ ಮತ್ತು ಲಕ್ಷ್ಮೀ ಡಿ-646 (775), ಪವನ್ ವಿ ಎ - 640 (775) ಹಾಗೂ ಮಿಥುನ್ ಗೌಡ ವೈ - 624 (775) ಅತಿ ಹೆಚ್ಚು ಅಂಕ ಗಳನ್ನು ಪಡೆದುಕೊಂಡಿದ್ದಾರೆ. ಶಾಲೆಗೆ ಕೀರ್ತಿ ತಂದಿರುವ ಎಲ್ಲಾ ವಿದ್ಯಾರ್ಥಿ ಗಳಿಗೆ ಕಿರಿಯ ತಾಂತ್ರಿಕ ಶಾಲೆಯ ಪ್ರಾಂಶುಪಾಲ ಮಂಜಪ್ಪ ಎಸ್ ಓಲೇಕಾರ ಮತ್ತು ಶಿಕ್ಷಕ ವೃಂದ ಹಾಗೂ ಸಿಬ್ಬಂದಿಗಳು ಅಭಿನಂದನೆ ಸಲ್ಲಿಸಿದ್ದಾರೆ.