ಕಡವೆ ಭೇಟೆ: ಆರೋಪಿ ಅಂದರ್

ವಿಜಯ ಸಂಘರ್ಷ ನ್ಯೂಸ್ 

ಭದ್ರಾವತಿ: ಕಡವೆಯನ್ನ ಭೇಟೆ ಯಾಡಿದ ಆರೋಪಿಯನ್ನ ಉಪವಲಯ ಅರಣ್ಯಾಧಿಕಾರಿಗಳು ಬಂಧಿಸುವಲ್ಲಿ ಯಶಸ್ವಿ ಯಾಗಿದ್ದಾರೆ. 

ಭದ್ರಾವತಿ ವಲಯ ಅರಣ್ಯಾಧಿಕಾರಿ ದುಗ್ಗಪ್ಪ ಹಾಗೂ ತಂಡ ಕಡವೆ ಬೇಟೆಗಾರ‍ನನ್ನ ಹಿಡಿದು, ಉಳಿದ ಆರೋಪಿಗಳನ್ನ ಬೆನ್ನಟ್ಟಿದೆ. ಅರೆಬಿಳಚಿ ಕ್ಯಾಂಪ್ ನ ಮಂಜುನಾಥ್ ಸೆರೆಸಿಕ್ಕಿದ್ದು ಮೂವರು ತಲೆಮರೆಸಿ ಕೊಂಡಿದ್ದಾರೆ. ದಾನವಾಡಿ ಅರಣ್ಯದಲ್ಲಿ ಮಂಜುನಾಥ್ ಸಂಗಡಿಗರು ಕಡವೆ ಬೇಟೆಯಲ್ಲಿ ನಿರತರಾಗಿದ್ದರು‌. ಈ ವೇಳೆ ಅಧಿಕಾರಿಗಳು ಆರೋಪಿಯನ್ನ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ತಾಲ್ಲೂಕಿನ ಕೂಡ್ಲಿಗೆರೆ ಶಾಖೆಯ ಹೊಸೂರು ಗ್ರಾಮದ ಸರ್ವೆ ನಂ.22ರ ದಾನವಾಡಿ ಕಿರು ಅರಣ್ಯ ಪ್ರದೇಶದಲ್ಲಿ ವನ್ಯಜೀವಿಯಾದ ಕಡವೆಯನ್ನು ಬೇಟೆಯಾಡಿರುವ ಬಗ್ಗೆ ಮಾಹಿತಿ ಲಭ್ಯವಾಗಿತ್ತು.  

ಪ್ರಕರಣವನ್ನು ಭದ್ರಾವತಿ ಉಪ ಅರಣ್ಯ ಸಂರಕ್ಷಣಾಧಿಕಾರಿಗಳಾದ ಅಶಿಶ್ ರೆಡ್ಡಿ, ಚನ್ನಗಿರಿ ಉಪವಿಭಾಗದ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿಗಳಾದ ರತ್ನಪ್ರಭ ಇವರ ಮಾರ್ಗದರ್ಶನದಲ್ಲಿ, ವಲಯ ಅರಣ್ಯಾಧಿ ಕಾರಿಗಳಾದ ದುಗ್ಗಪ್ಪ ಬಿ.ಹೆಚ್, ರವರ ನೇತೃತ್ವದಲ್ಲಿ ಪ್ರಕರಣವನ್ನು ಪತ್ತೆ ಹಚ್ಚಿ ಆರೋಪಿಗಳನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿರುತ್ತಾರೆ. 

ಸದರಿ ಪ್ರಕರಣವನ್ನು ಶೇಖರ್ ಎ ಚೌಗುಲೆ, ಉಪ ವಲಯ ಅರಣ್ಯಾಧಿಕಾರಿ, ಕೂಡ್ಲಿಗೆರೆ ಶಾಖೆ, ಹನುಮಂತರಾಯ ಜಿ, ಉಪ ವಲಯ ಅರಣ್ಯಾಧಿಕಾರಿ, ಚಂದ್ರಶೇಖರ್ ಸಿ, ಕಾಂತೇಶ್ ನಾಯ್ಕ,ಪ್ರತಾಪ್ ಕೆ.ವಿ ಗಸ್ತು ಅರಣ್ಯ ಪಾಲಕರುಗಳು ಹಾಗೂ ಕೊಠಿ, ಅವಿನಾಶ, ಮಂಜು ದಿನಗೂಲಿ ನೌಕರರುಗಳ ಪ್ರಕರಣ ಭೇದಿಸುವಲ್ಲಿ ಸಹಕರಿಸಿರುತ್ತಾರೆ.