ವಿಜಯ ಸಂಘರ್ಷ
ಶಿವಮೊಗ್ಗ : ಬೆಳ್ಳಂಬೆಳಿಗ್ಗೆ ಕಾರೊಂದ ರಲ್ಲಿ ಬಂದು ಸಾರ್ವಜನಿಕವಾಗಿ ಲಾಂಗು ಮಚ್ಚು ತೋರಿಸಿ ಭಯ ಹುಟ್ಟಿಸಲು ಯತ್ನಿಸಿದ ಮೂರನ್ನ ಸಾರ್ವಜನಿಕರೇ ಹಿಡಿದು ಪೊಲೀಸರಿಗೆ ಒಪ್ಪಿಸಿರುವ ಘಟನೆ ಗಾಂಧಿನಗರದಲ್ಲಿ ಇಂದು ನಡೆದಿದೆ.
ರವೀಂದ್ರ ನಗರ ಗಣಪತಿ ದೇವಸ್ಥಾನದಲ್ಲಿ ಕೆಎ04 ಎನ್ 4559 ಹಳೇ ಮಾರುತಿ ಜೆನ್ ನಲ್ಲಿ ಬಂದ ನಾಲ್ವರು ವಾಕಿಂಗ್ ಗೆ ಬಂದವರಿಗೆ ಲಾಂಗು ಮಚ್ಚು ತೋರಿಸಿ ರಾಬರಿಗೆ ಯತ್ನಿಸಿದ್ದಾರೆ ಎನ್ನಲಾಗಿದೆ.
ಇದನ್ನ ಕಂಡ ಕೆಲ ಯುವಕರು ಚಾಣಾಕ್ಷ ತನದಿಂದ ಹಿಡಿಯಲು ಧೈರ್ಯ ಮಾಡಿದ್ದಾರೆ. ಯುವಕರ ಗುಂಪಿಗೆ ಬೆದರಿದೆ ರಾಬರಿ ಮಾಡಲು ಬಂದ ಗುಂಪು ಕಾಲುಕಿತ್ತಿದೆ.
ಗಾಂಧಿ ನಗರ 2 ನೇ ತಿರುವಿನಲ್ಲಿರುವ ಮನೆಯಲ್ಲಿ ಅವಿತುಕೊಳ್ಳಲು ಯತ್ನಿಸಿದ ಗುಂಪನ್ನ ಯುವಕರು ಅಟ್ಟಿಸಿಕೊಂಡು ಹಿಡಿದಿದ್ದಾರೆ. ಇದರಲ್ಲಿ ಒಬ್ಬ ಕಾರನ್ನು ಬಿಟ್ಟು ಎಸ್ಕೇಪ್ ಆಗಿದ್ದಾನೆ.
ಈ ವಿಷಯವನ್ನ ಜಯನಗರ ಪೊಲೀಸರಿಗೆ ತಿಳಿಸಿದ್ದಾರೆ. ಪೊಲೀಸರು ಸ್ಥಳಕ್ಕೆ ಬರಲು ಒಂದು ಗಂಟೆ ತಡವಾಗಿ ಬಂದಿದ್ದಾರೆ ಎಂದು ಸಾರ್ವಜನಿಕರು ಪೊಲೀಸರಿಗೆ ಹಿಡಿಶಾಪಹಾಕಿದೆ.
ಸೆರೆ ಸಿಕ್ಕ ಮೂವರನ್ನ ಜಯನಗರ ಪೊಲೀಸ್ ಠಾಣೆಗೆ ಕರೆದುಕೊಂಡು ಹೋಗಲಾಗಿದೆ. ಮೂವರು ಸ್ಥಳೀಯರಾಗಿದ್ದು, ಅವರ ಹೆಸರು ಹೇಳಲು ಪೊಲೀಸ್ ಇಲಾಖೆ ಹಿಂದೇಟು ಹಾಕುತ್ತಿದೆ.
ವಿಜಯ ಸಂಘರ್ಷಕ್ಕೆ ಸುದ್ದಿ ನೀಡಲು ಕರೆ ಮಾಡಿ +91 9743225795