ಇಬ್ಬರು ಮಕ್ಕಳೊಂದಿಗೆ ಗೃಹಿಣಿ ನಾಪತ್ತೆ: ಕೆ.ಆರ್ ಪೇಟೆ ಠಾಣೆಯಲ್ಲಿ ಪ್ರಕರಣ ಧಾಖಲು

 

ವಿಜಯ ಸಂಘರ್ಷ

ಕೆ.ಆರ್.ಪೇಟೆ : ತಾಲ್ಲೂಕಿನ  ಬೂಕನಕೆರೆ ಹೋಬಳಿಯ ಮಾಚಗೋನಹಳ್ಳಿ ಗ್ರಾಮದಿಂದ  ದಿನಾಂಕ: 25.09.2021 ರಂದು ಸರ್ಕಾರಿ ಆಸ್ಪತ್ರೆಗೆ ಹೋಗುತ್ತೇನೆ ಎಂದು ಹೇಳಿ ಹೊರ ಹೋದವರು ವಾಪಸ್ ಮನೆಗೆ ಬಾರದೇ ನಾಪತ್ತೆಯಾಗಿದ್ದಾರೆ.

ಎಂ.ಆರ್.ಶಿವು ಎಂಬುವರ ಪತ್ನಿ  ಹೇಮಲತಾ ಮಕ್ಕಳಾದ ರಮಣಗೌಡ ಮತ್ತು  ನಿತಿನ್ ಗೌಡ ಕಾಣೆಯಾದ ಪ್ರಕರಣಕ್ಕೆ ಸಂಬಂಧಿಸಿದಂತೆ  ಸಂಬಂಧಿಕರ ಮನೆಗಳಿಗೂ ಹೋಗಿ ಹಾಗೂ ಪೋನ್ ಮಾಡಿ ವಿಚಾರಿಸಿದರೂ ಎಲ್ಲಿಯೂ ಪತ್ತೆಯಾಗಿರುವುದಿಲ್ಲ.

ಹೇಮಲತಾ 26ವರ್ಷ ಮನೆ ಬಿಟ್ಟು ಹೋಗುವ ಸಂದರ್ಭದಲ್ಲಿ ಬ್ಲೂಕಲರ್ ಟಾಪ್, ಕೆಂಪು ಬಣ್ಣದ ವೇಲ್, ಬ್ಲೂ ಕಲರ್ ಪ್ಯಾಂಟ್ ಇರುವ ಚೂಡಿದಾರ್ ಧರಿಸಿದ್ದಾರೆ.
ಮಕ್ಕಳಾದ ರಮಣಗೌಡ 5 ವರ್ಷ, ನಿತಿನ್ ಗೌಡ 3 ವರ್ಷಗಳಾಗಿದ್ದು ಇಬ್ಬರೂ ಗೋದಿ ಮೈಬಣ್ಣ ಹೊಂದಿರುತ್ತಾರೆ.

ಈ ಚಹರೆಯುಳ್ಳ ತಾಯಿ ಮತ್ತು ಮಕ್ಕಳು ಎಲ್ಲಿಯಾದರೂ ಪತ್ತೆಯಾದರೆ ಕೂಡಲೇ ಕೂಡಲೇ ತಮ್ಮ ಹತ್ತಿರದ ಪೋಲೀಸ್ ಠಾಣೆಗಾಗಲಿ ಅಥವಾ  ಕೆ.ಆರ್.ಪೇಟೆ ಗ್ರಾಮಾಂತರ ಪೋಲೀಸ್ ಠಾಣೆಗಾಗಲಿ ಮಾಹಿತಿ ನೀಡುವಂತೆ ವೃತ್ತ ನಿರೀಕ್ಷಕ ನಿರಂಜನ್ ಹಾಗೂ  ಸಬ್  ಇನ್ಸ್ ಪೆಕ್ಟರ್ ಸುರೇಶ್  ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಹೆಚ್ಚಿನ ಮಾಹಿತಿಗಾಗಿ ಮೊಬೈಲ್ ಸಂಖ್ಯೆ  94808 04860 ಸಂಪರ್ಕಿಸಿ.

ವರದಿ : ಸಿ.ಆರ್ ಜಗದೀಶ್,  ಕೆ.ಆರ್ ಪೇಟೆ