ವಿಜಯ ಸಂಘರ್ಷ
ಸಾಗರ : ತಾಲ್ಲೂಕಿನ ಆನಂದಪುರದ ಜಗದ್ಗುರು ಮುರುಘಾರಾಜೇಂದ್ರ ಮಹಾಸಂಸ್ಥಾನ ಮಠ ಆಶ್ರಯದಲ್ಲಿರುವ ವಿದ್ಯಾರ್ಥಿ ಮುದ್ದುವೀರೇಶ್ ಎ ಎಮ್ ಇವರು ಸಂಸ್ಕತ (ಅಲಂಕಾರ ಶಾಸ್ತ್ರವಿಭಾಗ) ಎಂ ಎ ಪ್ರಥಮ ರ‍್ಯಾಂಕ್ ಸ್ಥಾನ ಪಡೆದಿದ್ದಾರೆ.
ಅಂತಿಮ ವರ್ಷದ 4 ನೇ ಸೆಮಿಸ್ಟರ್ ಪರೀಕ್ಷೆ ಅಕ್ಟೋಬರ್ 2022 ರಂದು ನಡೆದಿತ್ತು.
ಕುವೆಂಪು ವಿಶ್ವವಿದ್ಯಾಲಯದ ಆವರಣದಲ್ಲಿ ನಡೆದ 33 ನೇ ಘಟಿಕೋತ್ಸವದಲ್ಲಿ 2 ಚಿನ್ನದ ಪದಕಗಳನ್ನು ಹಾಗೂ ಸ್ನಾತಕೋತ್ತರ ಪದವಿ ಪ್ರಮಾಣಪತ್ರವನ್ನು ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ರವರು ಮುದ್ದುವೀರೇಶ್ ಗೆ ಪ್ರದಾನ ಮಾಡಿದರು.
ವಿದ್ಯಾರ್ಥಿಯ ಸಾಧನೆ ಮೆಚ್ಚಿ ಶ್ರೀಮಠದ ಗುರುಗಳು ಮತ್ತು ಆಡಳಿತಮಂಡಳಿ, ಎಸ್.ಜೆ.ಜಿ.ಆರ್ ಪ್ರೌಢಶಾಲೆ, ಪದವಿ ಹಾಗೂ ಬಿ.ಇಡಿ. ಕಾಲೇಜು ಪ್ರಾಚಾರ್ಯರು, ಶಿಕ್ಷಕವೃಂದ, ಸಿಬ್ಬಂದಿ, ಅಧ್ಯಯನ ಮಾಡಿದ್ದ ಹಿಂದಿನ ಪ್ರಾಥಮಿಕ ಹಾಗೂ ಪ್ರೌಢಶಾಲಾ ಶಿಕ್ಷಕರು ಅಭಿನಂದಿಸಿದ್ದಾರೆ.
“ ಉತ್ತಮ ಸಾಧನೆ ಮಾಡಿದ ಮುದ್ದುವೀರೇಶನಿಗೆ ಶುಭಹಾರೈಕೆಗಳು ಅವನ ಶೈಕ್ಷಣಿಕ ಜೀವನದ ಹಾದಿ ಇನ್ನಷ್ಟು ಯಶಸ್ಸಿನೆಡೆಗೆ ಸಾಗಲಿ. ವ್ಯಯಕ್ತಿಕ ಮತ್ತು ಸಾಮಾಜಿಕ ಜೀವನ ಸದಾ ಪ್ರಕಾಶಿಸುತ್ತಿರಲಿ.”
ಡಾ. ಮಲ್ಲಿಕಾರ್ಜುನ ಮುರುಘಾರಾಜೇಂದ್ರ ಸ್ವಾಮೀಜಿ, ಮುರುಘಾಮಠ-ಆನಂದಪುರ.
Tags:
ಆನಂದಪುರ ಸುದ್ದಿ