ಪೆನ್ಸಿಲ್ ನಲ್ಲಿ ಮೂಡಿದ ಕರ್ನಾಟಕ ಚಿತ್ರಣ

ವಿಜಯ ಸಂಘರ್ಷ

ಭದ್ರಾವತಿ: ನಗರದ ಸೂಕ್ಷ್ಮ ಕೆತ್ತನೆ ಕಲಾಕೃತಿಗಳ ಕಲಾವಿದ, ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಸ್ ಪ್ರಶಸ್ತಿ ಪುರಸ್ಕೃತ ಎಸ್. ವರುಣ್ ಕುಮಾರ್ ಈ ಬಾರಿ ಕನ್ನಡ ರಾಜ್ಯೋತ್ಸವದ ಅಂಗವಾಗಿ ಪೆನ್ಸಿಲ್ ನಲ್ಲಿ ಕರ್ನಾಟಕ ಕಲಾಕೃತಿಯನ್ನು ರೂಪಿಸಿದ್ದಾರೆ.

ಕಲಾವಿದನ ಕೈಯಲ್ಲಿ ಮೂಡಿಬಂದಿ ರುವ ಕೆತ್ತನೆಯು ಆಕರ್ಷಕವಾಗಿ ಕಂಡು ಬರುತ್ತಿದ್ದು ಪ್ರತಿಯೊಂದು ಹಬ್ಬಹರಿ ದಿನಗಳಲ್ಲಿ ವಿಶೇಷ ಕಲಾಕೃತಿಗಳನ್ನು ರೂಪಿಸುತ್ತಿದ್ದಾರೆ. ಸೀಮೆಸುಣ್ಣ, ಅಕ್ಕಿಕಾಳು, ಗೋಬಿಕಡ್ಡಿ,ಶೇಂಗಾಬೀಜ, ಮದುವೆ ಆಮಂತ್ರಣ ಪತ್ರ ಹಲವು ಮಾದರಿ ಕಲಾಕೃತಿಗಳು ಗಮನ ಸೆಳೆದಿವೆ.ಅಲ್ಲದೆ ಪೆನ್ಸಿಲ್ ಮದ್ದಿನಲ್ಲಿ ವರಮಹಾಲಕ್ಷ್ಮಿ, ಆಂಗ್ಲಭಾಷೆಯ ವರ್ಣಮಾಲೆ, ಮೆಕ್ಕಾ ಮದೀನಾ ರಚಿಸಿ ಮನೆಗಳಲ್ಲಿ ಶೋ ಕೇಸ್ ನಲ್ಲೂ ಇರಿಸಬಹುದಾದ ಅನೇಕ ಕಲಾಕೃತಿ ರಚಿಸಿದ್ದಾರೆ. ಅಲ್ಲದೆ ಪ್ರಶಸ್ತಿಗಳಿಗೆ ಭಾಜನವಾಗಿವೆ.