ವಿಜಯ ಸಂಘರ್ಷ
ಭದ್ರಾವತಿ: ಶ್ರೀ ಕ್ಷೇತ್ರ ಧರ್ಮಸ್ಥಳದ
ಮಂಜುನಾಥ ಸ್ವಾಮಿಯ ಮಹಿಮೆ ಕುರಿತ ಭಕ್ತಿ, ಶಕ್ತಿ,ಮುಕ್ತಿಯನ್ನೊಳ ಗೊಂಡ ಭಕ್ತಿಗೀತೆಗಳ ಧ್ವನಿಸುರುಳಿ ಬಿಡುಗಡೆ ಕಾರ್ಯಕ್ರಮ ಶ್ರೀಕ್ಷೇತ್ರ ಧರ್ಮಸ್ಥಳದಲ್ಲಿ ಯಶಸ್ವಿಯಾಗಿ ನೆರವೇರಿತು.
ಧರ್ಮಾಧಿಕಾರಿ ಡಿ.ವೀರೇಂದ್ರ ಹೆಗ್ಗಡೆಯವರ ಅಮೃತ ಹಸ್ತದಿಂದ ಧ್ವನಿ ಸುರುಳಿ ಬಿಡುಗಡೆ ಮಾಡಲಾಯಿತು. ಭದ್ರಾವತಿ ತಾಲ್ಲೂಕು ಷಾಮಿಯಾನ ಮಾಲೀಕರ ಸಂಘದ ಅಧ್ಯಕ್ಷರೂ ಆದ ಸಂತೋಷ್ ಷಾಮಿಯಾನ ರವರ ಸಾಹಿತ್ಯ ರಚನೆ ಮತ್ತು ನಿರ್ಮಾಪಕತ್ವದಲ್ಲಿ, ವಸಂತ ಮಾಧವರವರ ಸಂಗೀತ ಮತ್ತು ಗಾಯನದಲ್ಲಿ ಸ್ಥಳೀಯ ಗಾಯಕರಾದ ಪ್ರತಿಮ, ಶರಾವತಿ, ವರ್ಷಾ ಹಾಡಿರುತ್ತಾರೆ.
ವೃತ್ತಿ ಬದುಕಿನ ಒತ್ತಡದ ನಡುವೆಯೂ ಸಂತೋಷ್ ರವರ ಧಾರ್ಮಿಕ, ಸಂಗೀತ , ಸಾಹಿತ್ಯ ಸೇವೆಯನ್ನು ಧರ್ಮಾಧಿಕಾರಿಗಳು ಮುಕ್ತಕಂಠದಿoದ ಪ್ರಶಂಸಿಸಿದರು.
ಸoತೋಷ್ ರವರ ತಾಯಿ ಉಮಾ, ತಂದೆ ಅಂಗಡಿ ತಮ್ಮಣ್ಣ,ಪತ್ನಿ ನೇತ್ರಾವತಿ ಸೇರಿದಂತೆ ಬಂಧು-ಮಿತ್ರರು ಪಾಲ್ಗೊoಡಿದ್ದರು.