ವಿಐಎಸ್‌ಎಲ್: ಮೆಟೀರಿಯಲ್ ಗೇಟ್‌ಪಾಸ್‌ ಗಳ ಡಿಜಿಟಲೀಕರಣ

ವಿಜಯ ಸಂಘರ್ಷ 

ಭದ್ರಾವತಿ: ನಗರದ ವಿಶ್ವೇಶ್ವರಾಯ ಕಬ್ಬಿಣಮತ್ತು ಉಕ್ಕು ಸ್ಥಾವರ (ವಿಐಎಸ್ ಪಿ) ಉಕ್ಕು ಸಚಿವಾಲಯ ಮತ್ತು ಸೈಲ್ ಕಾರ್ಪೋರೇಟ್ ವಿಜಿಲೆನ್ಸ್ನ ನಿರ್ದೇಶನದಂತೆ ವ್ಯವಸ್ಥಿತ ಸುಧಾರಣೆಯ ಕ್ರಮವಾಗಿ ಗೇಟ್‌ ಪಾಸ್‌ಗಳ ಡಿಜಿಟಲೀಕರಣ ವನ್ನು ಜಾರಿಗೊಳಿಸಿತು. 

ಪಾರದರ್ಶಕತೆಯನ್ನು ಹೆಚ್ಚಿಸುವ ಆನ್‌ಲೈನ್ ಮೋಡ್‌ನಲ್ಲಿ ವಸ್ತುವಿನ ಪ್ರವೇಶ ಮತ್ತು ನಿರ್ಗಮನ ಡೇಟಾಗಳ ಸಂಗ್ರಹಣೆ, ಮರುಪಡೆಯುವಿಕೆ ಮತ್ತು ಮೇಲ್ವಿಚಾರಣೆ ಗಾಗಿ ಸಿಸ್ಟಮ್ ವೇದಿಕೆಯನ್ನು ಒದಗಿಸುತ್ತದೆ.

ವಿಐಎಸ್‌ಎಲ್ ನ ಕಾರ್ಯಪಾಲಕ ನಿರ್ದೇಶಕ ಬಿ.ಎಲ್. ಚಂದ್ವಾನಿ ಉದ್ಘಾಟಿಸಿದರು. ಕೆ.ಎಸ್. ಸುರೇಶ್, ಮುಖ್ಯ ಮಹಾಪ್ರಬಂಧಕರು (ಸ್ಥಾವರ), ಟಿ. ರವಿಚಂದ್ರನ್, ಮಹಾಪ್ರಬಂಧಕರು (ಸೇವೆಗಳು) ರಘುನಾಥ್ ಬಿ. ಅಷ್ಟಪುತ್ರೆ, ಮಹಾಪ್ರಬಂಧಕರು (ವಿಜೆಲೆನ್ಸ್), ಇತರ ಹಿರಿಯ ಅಧಿಕಾರಿಗಳು, ವಿಐಎಸ್‌ಎಲ್ ಕಾರ್ಮಿಕರ ಸಂಘ ಮತ್ತು ಅಧಿಕಾರಿಗಳ ಸಂಘದ ಅಧ್ಯಕ್ಷರು, ಪದಾದಿಕಾರಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.