ಕೃಷಿ ವಿದ್ಯಾರ್ಥಿಗಳಿಂದ ಪೌಷ್ಟಿಕ ಕೈ ತೋಟದ ನಿರ್ಮಾಣ ಉಪಯುಕ್ತತೆಯ ಅರಿವು ಕಾರ್ಯಕ್ರಮ

ವಿಜಯ ಸಂಘರ್ಷ ನ್ಯೂಸ್ 

ಭದ್ರಾವತಿ: ತಾಲೂಕಿನ ಯರೇಹಳ್ಳಿ ಗ್ರಾಮ ದಲ್ಲಿ ಶಿವಮೊಗ್ಗದ ನವುಲೆ ಕೆಳದಿ ಶಿವಪ್ಪ ನಾಯಕ ಕೃಷಿ ಮತ್ತು ತೋಟಗಾರಿಕೆ ವಿಜ್ಞಾನಗಳ ವಿಶ್ವ ವಿದ್ಯಾಲಯ ಕೃಷಿ ವಿದ್ಯಾರ್ಥಿ ಗಳಿಂದ ಪೌಷ್ಟಿಕ ಕೈತೋಟದ ನಿರ್ಮಾಣ ಹಾಗೂ ಅದರ ಉಪಯುಕ್ತತೆಯ ಬಗ್ಗೆ ಅರಿವು ಮೂಡಿಸುವ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. 

ಶಾಲೆಯ ಮುಖ್ಯೋಪಾಧ್ಯಾಯ ಕೋಗಲೂರು ತಿಪ್ಪೇಸ್ವಾಮಿ ಕೃಷಿ ವಿದ್ಯಾರ್ಥಿ ಗಳ ಬಗ್ಗೆ ಪ್ರಶಂಸೆ ವ್ಯಕ್ತಪಡಿಸಿ ಶಿಬಿರದ ಉಪಯುಕ್ತತೆ ಯನ್ನು ಗ್ರಾಮದ ರೈತ ಬಾಂಧವರು ಉಪಯೋಗಿಸಿ ಕೊಳ್ಳಬೇಕೆಂದು ಕರೆ ನೀಡಿದರು. 

ವಿವಿಯ ಸಂಯೋಜಕರಾದ ಡಾ.ಸಹನ.ಎಸ್. ನೇತೃತ್ವ ವಹಿಸಿದ್ದರು. ಕಾರ್ಯಕ್ರಮದಲ್ಲಿ ಯರೇಹಳ್ಳಿ ಗ್ರಾಮ ಪಂಚಾಯಿತಿಯ ಅಧ್ಯಕ್ಷರು, ಪಿಡಿಒ, ಗ್ರಾಮದ ಮುಖಂಡರು, ಗ್ರಂಥಪಾಲಕಿ ಕೆ.ಎಸ್ .ಮಾಲಾ ಶಾಲೆಯ ಶಿಕ್ಷಕ ವೃಂದದವರು ಹಾಗೂ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.