ವಿಜಯ ಸಂಘರ್ಷ
ಶಿವಮೊಗ್ಗ : ಗ್ರಾಮಾಂತರ ಭಾಗದಲ್ಲಿ ಮನೆಗಳ್ಳತನ ಪ್ರಕರಣಕ್ಕೆ ಸಂಬಂಧ ಪ್ರಕರಣವನ್ನ ಬೇಧಿಸಿದ ಗ್ರಾಮಾಂತರ ಪೊಲೀಸರು ಐವರು ಆರೋಪಿಗಳನ್ನು ಪತ್ತೆಹಚ್ಚುವಲ್ಲಿ ಯಶಸ್ವಿಯಾಗಿದ್ದಾರೆ.
ಏ.17 ರಂದು ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯ ಬೀರನಕೆರೆ ಗ್ರಾಮದ ವಾಸಿ ಪರಶುರಾಮಪ್ಪ, (65) ತಮ್ಮ ವಾಸದ ಮನೆಗೆ ಬೀಗ ಹಾಕಿಕೊಂಡು, ಸಕ್ರೇಬೈಲಿನಲ್ಲಿರುವ ಮಗನ ಮನೆ ಹೋಗಿದ್ದರು,
ಏ.21 ರಂದು ಬೆಳಗ್ಗೆ ಹಿಂದಿರುಗಿಬಂದು ನೋಡಿದಾಗ ಮನೆಯ ಬೀಗವನ್ನು ಮುರಿದು ಒಳಗಡೆ ಬೀರುವಿನಲ್ಲಿ ಇಟ್ಟಿದ್ದ 20 ಗ್ರಾಂ ತೂಕದ ಬಂಗಾರದ ಆಭರಣಗಳು ಹಾಗೂ ರೂ 10,000/- ನಗದು ಹಣವನ್ನು ಕಳವಾಗಿತ್ತು. ಪ್ರಕರಣ ಗ್ರಾಮಾಂತರ ಠಾಣೆಯಲ್ಲಿ ದಾಖಲಾಗಿತ್ತು.
ಪ್ರಕರಣ ಬೆನ್ನತ್ತಿದ ಪಿಐ ಗ್ರಾಮಾಂತರ ಪೊಲೀಸ್ ಠಾಣೆ, ಪಿಎಸ್ಐ ಹಾಗೂ ಸಿಬ್ಬಂದಿಗಳ ತಂಡವು ಜೂ.20 ರಂದು ಶಿವಮೊಗ್ಗದ ಜಭೀವುಲ್ಲಾ, 21 ವರ್ಷ, ಮಹಮ್ಮದ್ ಶಾಬಾಜ್, 19 ವರ್ಷ, ಆದಿಲ್ 20, ಮಹಮ್ಮದ್ ಕರೀಮ್, 19 ವರ್ಷ, ಸೈಯ್ಯದ್ ಯುನಸ್, 20 ವರ್ಷ ಇವರನ್ನು ಬಂಧಿಸಿದ್ದಾರೆ.
ಆರೋಪಿತರಿಂದ ಒಟ್ಟು 5 ಮನೆ ಕಳ್ಳತನ ಪ್ರಕರಣಗಳಿಗೆ ಸಂಬಂಧಿಸಿದಂತೆ ರೂ 2,33,500/- ಮೌಲ್ಯದ, 52 ಗ್ರಾಂ 60 ಮಿ.ಲಿ ತೂಕದ ಬಂಗಾರದ ಆಭರಣಗಳನ್ನು ಹಾಗೂ ರೂ 6,500/- ಮೌಲ್ಯದ 113 ಗ್ರಾಂ 900 ಮಿ.ಲಿ ತೂಕದ ಬೆಳ್ಳಿ ಆಭರಣ ಗಳನ್ನ ವಶಪಡಿಸಿಕೊಳ್ಳಲಾಗಿದೆ.
ಸುದ್ದಿ ಹಾಗೂ ಮಾಹಿತಿಗಾಗಿ ಸಂಪರ್ಕಿಸಿ
+91 9743225795