ವಿಜಯ ಸಂಘರ್ಷ
ಭದ್ರಾವತಿ: ನಗರಸಭಾ ವ್ಯಾಪ್ತಿಯ ಸಿದ್ದಾಪುರದ ಸುರಕ್ಷಾ ವೃದ್ಧಾಶ್ರಮ ಹಾಗೂ ಅನಾಥಾಶ್ರಮದಲ್ಲಿ ಸೋಮ ವಾರ ನಗರ ನಿವಾಸಿ ನಿವೃತ್ತ ಯೋಧ ವಿಶ್ವನಾಥ್ ರವರು ವೃದ್ಧರ ಮಧ್ಯೆ ವಿಶಿಷ್ಟ ರೀತಿಯಲ್ಲಿ ತಮ್ಮ ಹುಟ್ಟು ಹಬ್ಬ ಆಚರಿಸಿಕೊಂಡರು.
ನಂತರ ಮಾತನಾಡಿದ ಅವರು ಇಲ್ಲಿರುವ ಪ್ರತಿ ಮಾತೆಯರಿಗೂ ಅವರ ಕೊರತೆ ನೀಗಿಸುವ ಉದ್ದೇಶ ದಿಂದ ಶ್ರಮಿಸುತ್ತಿರುವ ಜ್ಯೋತಿ ಸೋಮಶೇಖರ್ ರವರಿಗೆ ಪ್ರಥಮ ವಾಗಿ ಅಭಿನಂದಿಸಬೇಕು.
ಇಂದಿನ ದಿನಗಳಲ್ಲಿ ಹೆತ್ತ ತಂದೆ ತಾಯಿಯರ ಆರೈಕೆ ಮಾಡುವುದು ಕಷ್ಟ ಇಂತಹ ಪರಿಸ್ಥಿತಿಯಲ್ಲಿ ಜಾತಿ, ಮತ, ಬೇಧ ಮರೆತು ತಾಯಂದಿರ ಸೇವೆಗೆ ಮುಂದಾಗಿರುವುದು ಶ್ಲಾಘನೀಯ ಕಾರ್ಯ ಎಂದರು.
ಟ್ರಸ್ಟ್ ಅಧ್ಯಕ್ಷರು ಹಾಗೂ ಕರ್ನಾಟಕ ರಕ್ಷಣಾ ವೇದಿಕೆಯ ಮಹಿಳಾ ಘಟಕದ ಜಿಲ್ಲಾಧ್ಯಕ್ಷೆ ಜ್ಯೋತಿ ಸೋಮಶೇಖರ್ ಮಾತನಾಡಿ, ನಗರದಲ್ಲಿ ಅನೇಕ ಸೇವಾ ಸಂಘಟನೆಗಳಿದ್ದರೂ ಸಹ ದೇಶ ಸೇವೆ ಮಾಡಿ ನಿವೃತ್ತಿ ಹೊಂದಿರುವ ವಿಶ್ವನಾಥ್ ನಮ್ಮ ಆಶ್ರಮಕ್ಕೆ ಆಗಮಿಸಿ ತಮ್ಮ ಜನ್ಮ ದಿನಾಚರಣೆ ಆಚರಿಸಿಕೊಂಡಿರುವುದು
ಉತ್ತಮ ಕಾರ್ಯ, ವೃದ್ಧರನ್ನು ಗೌರವಿಸಿ ನೀಡಿದ ಅಥಿತ್ಯ ಅಮೂಲ್ಯ ಎಂದು ಶುಭಹಾರೈಸಿದರು.
ಈ ಸಂದರ್ಭದಲ್ಲಿ ಟ್ರಸ್ಟ್ ಪದಾಧಿಕಾರಿ ಗಳು, ಆಶ್ರಮದ ಎಲ್ಲಾ ಸದಸ್ಯರು ಮತ್ತಿತರರಿದ್ದರು.
ಸುದ್ದಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ
+919743225795