ಜಿಲ್ಲಾ ವಾಣಿಜ್ಯ-ಕೈಗಾರಿಕಾ ಸಂಘದಲ್ಲಿ ನೂತನ ಶಾಸಕ ಚನ್ನಬಸಪ್ಪರಿಗೆ ಸನ್ಮಾನ

ವಿಜಯ ಸಂಘರ್ಷ

ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘದಲ್ಲಿ ಮೇ:17 ರಂದು ನೂತನ ಶಾಸಕ ಚನ್ನಬಸಪ್ಪರವರಿಗೆ ಸನ್ಮಾನಿಸಲಾಯಿತು.

ಸಮಾರಂಭದ ಅಧ್ಯಕ್ಷತೆಯನ್ನು ಸಂಘದ ಅಧ್ಯಕ್ಷ ಎನ್.ಗೋಪಿನಾಥ್‌ ವಹಿಸಿ ಮಾತನಾಡಿ ನಗರದಲ್ಲಿ ಈ ಹಿಂದೆ ಹಲವು ಅಭಿವೃದ್ಧಿ ಕಾರ್ಯಗಳಾಗಿದ್ದು, ಮುಂದಿನ ದಿನಗಳಲ್ಲಿ ನಗರದ ಸರ್ವಾಂಗೀಣ ಅಭಿವೃದ್ದಿಗೆ ಸ್ಮಾರ್ಟ್ ಸಿಟಿ ಕಾಮಗಾರಿ ಗಳು, ಯು.ಜಿ.ಡಿ ಟ್ರೀಟ್‌ಮೆಂಟ್ ಪ್ಲಾಂಟ್, ನಗರದ ಹೊರವಲಯದಲ್ಲಿ ಟ್ರಕ್ ಟರ್ಮಿನಲ್, ಟಿಂಬರ್ ಯಾರ್ಡ್ ಕೈಗಾರಿಕಾ ವಸಹಾತುಗಳಿಗೆ ಮೂಲಭೂತ ಸೌಕರ್ಯಗಳು, ಟ್ರೇಡ್ ಲೈಸೆನ್ಸ್ ರದ್ದು ಇತ್ಯಾದಿ ಅಪೂರ್ಣಗೊಂಡಿರುವ ಕಾಮಗಾರಿಗಳ ಪೂರ್ಣಗೊಳಿಸಲು ಅವುಗಳ ಸುಸ್ಥಿರತೆ ಕಾಪಾಡಿಕೊಂಡು ಬರುವ ಗುರುತರ ಜವಾಬ್ದಾರಿ ಇರುವುದಾಗಿ ಮಾಹಿತಿ ನೀಡಿದರು.

ಸನ್ಮಾನ ಸ್ವೀಕರಿಸಿ ಮಾತನಾಡಿದ ನೂತನ ಶಾಸಕ ಚನ್ನಬಸಪ್ಪ ಮಾತನಾಡಿ, ತಮ್ಮೆಲ್ಲರ ಅಭಿಮಾನದಿಂದ ಶಾಸಕನಾಗಿ ಆರಿಸಿ ಬಂದಿರುವುದಾಗಿ ಮುಂದೆ ತಮ್ಮೆಲ್ಲರ ಸಹಕಾರದೊಂದಿಗೆ ನಗರದ ಅಭಿವೃದ್ಧಿ ಯಲ್ಲಿ ತಿಳಿಸಿರುವ ಸೇವಾ ಕಾರ್ಯಗಳನ್ನು ನಿಷ್ಟೆಯಿಂದ ಪ್ರಾಮಾಣಿಕ ಪ್ರಯತ್ನ ಮಾಡುವುದಾಗಿ ತಿಳಿಸಿದರು.

ಕಾರ್ಯಕ್ರಮದಲ್ಲ್ಲಿ ಉಪಾಧ್ಯಕ್ಷ ಬಿ. ಗೋಪಿನಾಥ್ ಸ್ವಾಗತಿಸಿದರು, ನಿರ್ದೇಶಕರುಗಳಾದ ಎಂ. ರಾಜು ಜಿ. ವಿಜಯಕುಮಾರ್ ಎಸ್.ಎಸ್. ಉದಯ ಕುಮಾರ್, ಕೆ.ಎಸ್. ಸುಕುಮಾರ್, ಈ ಪರಮೇಶ್ವರ, ಜಗದೀಶ್ ಮಾತನವರ್, ಪ್ರದೀಪ್ ವಿ. ಯಲಿ, ರಮೇಶ್ ಹೆಗಡೆ, ಹಾಲಸ್ವಾಮಿ ಮಾಜಿ ಅಧ್ಯಕ್ಷರುಗಳಾದ ಆಶ್ವಥ್‌ನಾರಾಯಣ ಶೆಟ್ಟಿ, ಡಿ.ಎಂ. ಶಂಕರಪ್ಪ ಮುಂತಾದವರಿದ್ದರು. ಕಾರ್ಯದರ್ಶಿ, ವಸಂತ್ ಹೋಬಳಿದಾರ್ ವಂದಿಸಿದರು.

ಸುದ್ದಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ :+919743225795