ವಿಜಯ ಸಂಘರ್ಷ
ಶಿಕಾರಿಪುರ: ತಾಲೂಕು ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಹುಲ್ಮಾರ್ ಮಹೇಶ್ ರವರ ಹುಟ್ಟು ಹಬ್ಬದ ಅಂಗವಾಗಿ ಕಾಂಗ್ರೆಸ್ ಕಾರ್ಯಕರ್ತ ರು ಹಾಗೂ ಅಭಿಮಾನಿಗಳು ಸರ್ಕಾರಿ ಸಾರ್ವಜನಿಕ ಆಸ್ಪತ್ರೆಯಲ್ಲಿ ರಕ್ತದಾನ ಮಾಡಿದರು.
ಈ ಸಂದರ್ಭದಲ್ಲಿ ಹುಲ್ಮಾರ್ ಮಹೇಶ್ ಮಾತನಾಡಿ ಹುಟ್ಟು ಹಬ್ಬದ ಆಚರಣೆಯ ನೆಪದಲ್ಲಿ ಮೋಜು ಮಸ್ತಿ, ದುಂದುವೆಚ್ಚ ಮಾಡುವ ಮೂಲಕ ಯುವಜನರು ಪಾರ್ಟಿಗಳನ್ನು ಮಾಡುವ ಮೂಲಕ ಹಾಳಾಗುತ್ತಿರುವುದು ದುರಂತ. ದುಂದು ವೆಚ್ಚಕ್ಕೆ ವ್ಯಯ ಮಾಡುವ ಕಾಲೇಜು ವಿದ್ಯಾರ್ಥಿಗಳು ಹಾಗೂ ಯುವಕರು ತಮ್ಮ ಹುಟ್ಟು ಹಬ್ಬಗಳನ್ನು ಸರ್ಕಾರಿ ಶಾಲೆಯಲ್ಲಿ ಸಸಿಗಳನ್ನು ನೆಡುವ ಮೂಲಕ ಹಾಗೂ ವಿದ್ಯಾರ್ಥಿಗಳಿಗೆ ಅನುಕೂಲವಾಗುವಂತಹ ಪರಿಕರಗಳನ್ನು ನೀಡುವ ಮೂಲಕ ತಾವು ಆಚರಿಸಿಕೊಳ್ಳುವ ಮೂಲಕ ಮಾದರಿ ಯಾಗಬೇಕೆಂದು ಕರೆ ನೀಡಿದರು.
ಸಾರ್ವಜನಿಕ ಆಸ್ಪತ್ರೆಯ ವೈದ್ಯಾಧಿಕಾರಿ ಡಾ: ಶಿವಾನಂದ್,ಡಾ: ಅನಿಲ್,ಡಾ: ಶ್ರೀನಿವಾಸ್, ಕಾಂಗ್ರೆಸ್ ಮುಖಂಡರಾದ ಶ್ರೀಕಾಂತ್ ಜಕ್ಕಿನಕೊಪ್ಪ,, ಪ್ರಕಾಶ್, ಸುರೇಶ್, ಅಂಬರಗೊಪ್ಪ ಜಗದೀಶ್ ನಾಯ್ಕ್, ಸೇರಿದಂತೆ ಹಲವರು ಉಪಸ್ಥಿತರಿದ್ದರು.
ನಂತರ ತಾಲೂಕಿನ ಸರ್ಕಾರಿ ಪ್ರೌಢ ಶಾಲೆ
ಗಳಲ್ಲಿ ವಿದ್ಯಾರ್ಥಿಗಳಿಗೆ ನೋಟ್ ಬುಕ್ ಹಾಗೂ ಪೆನ್ಸಿಲ್ ಪೆನ್ನುಗಳನ್ನು ನೀಡಿ ಸಸಿ ನೆಟ್ಟು ಮಾದರಿಯಾದರು.
(ವರದಿ ಹುಲಿಗಿ ಕೃಷ್ಣ )
Tags:
ಶಿಕಾರಿಪುರ ವರದಿ