ಸ್ಪೀಕರ್ ಫಾರ್ ಇಂಡಿಯಾ ಫೈನಲ್‌ಗೆ ಆನಂದಪುರ ಸ್ಪೂರ್ತಿ ಆಯ್ಕೆ

ವಿಜಯ ಸಂಘರ್ಷ

ಸಾಗರ(ಆನಂದಪುರ): ಫೆಡರಲ್ ಬ್ಯಾಂಕ್ ಹಾಗೂ ದಿ ಟೈಮ್ಸ್ ಆಫ್ ಇಂಡಿಯಾ ಆಯೋಜಿಸಿದ್ದ ಸ್ಪೀಕರ್ ಫಾರ್ ಇಂಡಿಯಾ ಕರ್ನಾಟಕ ಆವೃತ್ತಿ 2023-24ರ ಗ್ರಾಂಡ್ ಪೈನಲ್ ಸುತ್ತಿಗೆ ವೈ.ಹೆಚ್. ಸ್ಪೂರ್ತಿ ಆಯ್ಕೆಯಾಗುವ ಜೊತೆಗೆ 35 ಸಾವಿರ ರೂಗಳ ನಗದು ಪುರಸ್ಕಾರ ಪಡೆದಿರುತ್ತಾರೆ.

ಸುಮಾರು 850 ಕಾಲೇಜು ಗಳ 6,300 ಕ್ಕೂ ಅಧಿಕ ಸ್ಪರ್ಧಿಗಳ ನಡುವೆ ವಿಜೇತರಾಗಿರು ತ್ತಾರೆ. ಇವರು ಪ್ರಸ್ತುತ ಶಿವಮೊಗ್ಗದಲ್ಲಿ ಪ್ರಥಮ ವರ್ಷದ ಬ್ಯಾಚುಲರ್ ಆಫ್ ಸೋಶೊಯಲ್ ವರ್ಕ್ ಪದವಿ ವ್ಯಾಸಂಗ ಮಾಡುತ್ತಿದ್ದು ಕಾಲೇಜು, ಅಂತರ ಕಾಲೇಜು, ವಿಭಾಗೀಯ ಹಂತಗಳಲ್ಲಿ ತಮ್ಮ ವಾದವನ್ನು ಮಂಡಿಸಿ ತನ್ನ ಮೊದಲ ಪ್ರಯತ್ನದಲ್ಲಿಯೇ ಅಂತಿಮ ಹಂತ ತಲುಪಿದ್ದಕ್ಕೆ ಸಂಭ್ರಮಿಸಿದ್ದಾರೆ.

ಗೌರಮ್ಮ ಮತ್ತು ಯೋಗಿಶ್ ಇವರ ಪುತ್ರಿ, ಪ್ರಾಥಮಿಕ ಶಾಲಾ ಹಂತದಿoದಲೇ ಪ್ರತಿಭಾನ್ವಿತ ವಿದ್ಯಾರ್ಥಿನಿಯಾಗಿದ್ದು ಪಠ್ಯದ ವಿಷಯಗಳ ಜೊತೆಗೆ ಜೊತೆಗೆ ಕನ್ನಡ ಸಾಹಿತ್ಯದಲ್ಲಿ ಅಪಾರ ಆಸಕ್ತಿ ಬೆಳೆಸಿಕೊಂಡು ಭಾಷಣ, ಪ್ರಬಂಧ, ಚರ್ಚಾ ಸ್ಪರ್ಧೆ, ರಂಗಭೂಮಿಯಲ್ಲಿ ತನ್ನನ್ನು ತಾನು ತೊಡಗಿಸಿಕೊಂಡು ಬಂದಿರುತ್ತಾರೆ.

ಕೇಂದ್ರ ಲೋಕಸೇವಾ ಅಯೋಗದ ಪರೀಕ್ಷೆಯನ್ನು ಎದುರಿಸಿ ಭಾರತೀಯ ಆಡಳಿತಾತ್ಮಕ ಸೇವಾ ಅಧಿಕಾರಿಯಾಗಿ ಸೇವೆ ಸಲ್ಲಿಸುವ ಗುರಿಯನ್ನು ಹೊಂದಿ ವಿದ್ಯಾಭ್ಯಾಸ ಮಾಡುತ್ತಿರುವ ಸ್ಪೂರ್ತಿಯ ಈ ಸಾಧನೆ ಮೆಚ್ಚಿ ಪೋಷಕರು, ಕಾಲೇಜು ಅಧ್ಯಾಪಕ ವೃಂದ ಆನಂದಪುರದ ಕನ್ನಡಪರ ಸಂಘಟನೆ ಗಳವರು ಅಭಿನಂದಿಸಿದ್ದಾರೆ.