ಕೋಳಿ ಫಾರಂಗೆ ನುಗ್ಗಿದ ನೀರು-ಸಾವಿರಾರು ಕೋಳಿ ಬಲಿ

ವಿಜಯ ಸಂಘರ್ಷ ನ್ಯೂಸ್ 

ಭದ್ರಾವತಿ: ಭೀಕರ ಮಳೆಯಿಂದ ಕೋಳಿ ಫಾರಂಗೆ ನೀರು ನುಗ್ಗಿ 3500 ಕೋಳಿ ಮರಿಗಳು ಸಾವನ್ನಪ್ಪಿರುವ ಘಟನೆ ತಾಲ್ಲೂಕಿನ ಹೊಳೆಹೊನ್ನೂರು ಸಮೀಪದ ಅರಹತೊಳಲು ಗ್ರಾಮ ದಲ್ಲಿ ನಡೆದಿದೆ.

ಮಹೇಶ್ ಎಂಬುವರಿಗೆ ಸೇರಿದ ಕೋಳಿಫಾರಂ ನಲ್ಲಿ 6 ಸಾವಿರ ಕೋಳಿ ಗಳನ್ನು ಸಾಕುತ್ತಿದ್ದರು.ಭಾನುವಾರ ರಾತ್ರಿ ಇಡೀ ಎಡಬಿಡದ ಮಳೆ ಸುರಿಯುತ್ತಿತ್ತು. ಬೆಳಗಿನ ಜಾವ 3 ಘಂಟೆ ಸುಮಾರಿಗೆ ಫಾರಂ ಪಕ್ಕದಲ್ಲಿ ರುವ ಗೋಂದಿನಾಲೆ ಭರ್ತಿಯಾಗಿ ಏರಿಮೇಲೆ ನೀರು ಹತ್ತಿ ಹರಿಯ ಲಾರಂಬಿಸಿತು. ನೋಡನೋಡು ತ್ತಿದ್ದಂತೆ ನೀರಿನ ಪ್ರಮಾಣ ದಿಢೀರನೆ ಜಾಸ್ತಿ ಯಾಗಿ ನಿಯಂತ್ರಣಕ್ಕೆ ಬಾರದಂತಾಯಿತು.

ಫಾರಂನಲ್ಲಿದ್ದ ಕೆಲಸಗಾರರು ಎಷ್ಟೇ ಪ್ರಯತ್ನ ಮಾಡಿದರೂ ನೀರು ಒಳಗಡೆ ಬರುವುದನ್ನು ತಡೆಯಾಲಿಲ್ಲ. 3500 ಕೋಳಿ ಮರಿಗಳು, ಭತ್ತದ ಹೊಟ್ಟು, ಕೋಳಿ ಫುಡ್ ಎಲ್ಲವೂ ನೀರಿನಲ್ಲಿ ಕೊಚ್ಚಿಹೋಗಿದೆ. ಇನ್ನು ನೀರಿನಲ್ಲಿ ನೆನೆದು ಒದ್ದೆಯಾಗಿರುವ ಕೆಲವು ಮರಿಗಳು ಬದುಕುವ ಸಾಧ್ಯತೆ ತೀರಾ ಕಡಿಮೆ ಇದೆ ಎಂದು ಪಶುವೈದ್ಯರು ತಿಳಿಸಿದರು. ಸುಮಾರು 3 ಲಕ್ಷದಷ್ಟು ನಷ್ಟಸಂಭವಿಸಿರಬಹುದು ಎಂದು ಅಂದಾಜಿಸಲಾಗಿದೆ.