ವಿಜಯ ಸಂಘರ್ಷ
ಭದ್ರಾವತಿ: ಜನ್ಮ ದಿನದ ಆಚರಣೆ ಒಬ್ಬೊಬ್ಬರು ಒಂದೊಂದು ರೀತಿಯಲ್ಲಿ ಆಚರಣೆ ಮಾಡಿಕೊಳ್ಳುತ್ತಾರೆ. ಆದರೆ ವಿಭಿನ್ನ ಎನ್ನುವಂತೆ ವೃದ್ಧರ ಮೇಲೆ ಕರುಣೆ ತೋರಿ ಕಾರುಣ್ಯ ಚಾರಿಟೇಬಲ್ ಟ್ರಸ್ಟ್ ವೃದ್ಧಾಶ್ರಮದಲ್ಲಿ ಇಂದು ಕರವೇ ಅಧ್ಯಕ್ಷರು ಜನ್ಮ ದಿನ ಆಚರಿಸಿಕೊಂಡಿದ್ದು ವಿಶೇಷ.
ಕರ್ನಾಟಕ ರಕ್ಷಣಾ ವೇದಿಕೆ (ನಾರಾಯಣ ಗೌಡ ಬಣ)ಯ ಜಿಲ್ಲಾ ಮಹಿಳಾ ಘಟಕದ ಅಧ್ಯಕ್ಷೆ ಜ್ಯೋತಿ ಸೋಮಶೇಖರ್ ರವರು ತಮ್ಮ ಜನ್ಮ ದಿನಕ್ಕೆ ವೃದ್ದಾಶ್ರಮದಲ್ಲಿ ಆಚರಿಸಿ ಮಾದರಿಯಾದರು.
ಈ ಸಂದರ್ಭದಲ್ಲಿ ಮಾತನಾಡಿದ ಅವರು ಅನಾಥರಾಗಿದ್ದ ವೃದ್ದರನ್ನು ಕಾರುಣ್ಯ ಚಾರಿಟಬಲ್ ಟ್ರಸ್ಟ್ ನಲ್ಲಿ ತಮ್ಮ ಪೋಷಕರನ್ನು ಗಮನಿಸುವ ರೀತಿಯಲ್ಲಿ ಉತ್ತಮ ಪೋಷಣೆ ಮಾಡುವ ಕಾರ್ಯ ನಿರ್ವಹಿಸುತ್ತಿ ರುವುದು ಶ್ಲಾಘನಿಯ. ವೃದ್ಧಾಶ್ರಮದ ಎಲ್ಲಾ ತಾಯಂದಿರಿಗೆ ಆರೋಗ್ಯ ಕೊಟ್ಟು ಕಾಪಾಡಲಿ ಎಂದು ಹಾರೈಸಿದರು.
ಈ ಸಂದರ್ಭದಲ್ಲಿ ಕರವೇ ತಾಲ್ಲೂಕಿನ ಪದಾಧಿಕಾರಿಗಳು, ಜಿಲ್ಲಾ ಮುಖಂಡರು, ಕಾರುಣ್ಯ ಟ್ರಸ್ಟ್ ಪದಾಧಿಕಾರಿಗಳು ಹಾಗೂ ಆಶ್ರಮದ ವಯೋವೃದ್ಧರು ಪಾಲ್ಗೊಂಡಿದ್ದರು.
ಸುದ್ದಿ ಹಾಗೂ ಜಾಹೀರಾತಿಗಾಗಿ ಕರೆ ಮಾಡಿ +91 9743225795