ಅಭಿವೃದ್ಧಿಗಾಗಿ ಹಾಲಪ್ಪ ನವರನ್ನು ಗೆಲ್ಲಿಸಿ : ಸಂಸದ ಬಿ.ವೈ.ರಾಘವೇಂದ್ರ

ವಿಜಯ ಸಂಘರ್ಷ

ಸಾಗರ :ಎಲ್ಲಾ ಸಮುದಾಯದವರಿಗೆ ಆದ್ಯತೆ ನೀಡಿ ಅಭಿವೃದ್ಧಿಗೆ ಶ್ರಮಿಸುತ್ತಿರುವ ಹರತಾಳು ಹಾಲಪ್ಪ ನವರನ್ನು ಗೆಲ್ಲಿಸಿ ಎಂದು ಸಂಸದ ಬಿ ವೈ ರಾಘವೇಂದ್ರ ಹೇಳಿದರು.

ಅವರು ಸಾಗರ ತಾಲ್ಲೂಕಿನ ಆನಂದಪುರ ದಲ್ಲಿ ರೋಡ್ ಶೋ ಹಾಗೂ ಸಾರ್ವಜನಿಕ ಬೃಹತ್ ಸಭೆಯನ್ನುದ್ದೇಶಿಸಿ ಬಿ ಜೆ ಪಿ ಪರವಾಗಿ ಮತಯಾಚನೆ ಮಾಡಿ ಮಾತನಾಡುತ್ತಿದ್ದರು. ಈಗಿನ ಕಾಂಗ್ರೆಸ್ ಅಭ್ಯರ್ಥಿ ಗೋಪಾಲಕೃಷ್ಣ ಏನೇನು ಅಭಿವೃದ್ಧಿ ಮಾಡಿದ್ದಾರೆ ಯಾವ ಯಾವ ಸಮುದಾಯದವರಿಗೆ ವಿಶೇಷ ಯೋಜನೆ ರೂಪಿಸಿದ್ದಾರೆ ಎಂದು ಹೇಳಲಿ ಅಂದು ಬಿ ಜೆ ಪಿ ಸರ್ಕಾರವಿದ್ದಾಗ್ಯೂ ಅಭಿವೃದ್ಧಿ ಯೆಡೆಗೆ ಗಮನ ಹರಿಸಲಿಲ್ಲ. ಕೋವಿಡ್ ಸಂದರ್ಭದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಎಲ್ಲಿ ಹೋಗಿದ್ದರು ಸೋತಿದ್ದರೂ ಸಹ ಕ್ಷೇತ್ರದ ಜನತೆಯ ನೆರವಿಗೆ ಬರಬೇಕಿತ್ತು ಎಂದರು.

ಕಾಗೋಡುತಿಮ್ಮಪ್ಪನವರನ್ನು ಮುದಿ ಎತ್ತು ಎಂದು ಬೈಯ್ದವರು ಅವರನ್ನು ಈಗ ಭೀಷ್ಮ ಎನ್ನುತ್ತಿದ್ದಾರೆ ಎಂದು ಕಾಂಗ್ರೆಸ್ ಅಭ್ಯರ್ಥಿ ಗೋಪಾಲಕೃಷ್ಣ ವಿರುದ್ದ ಮಾತನಾಡಿದ ಹರತಾಳು ಹಾಲಪ್ಪ ಕೇವಲ ಗುದ್ದಲಿ ಪೂಜೆ ಮಾಡಿಕೊಂಡು 10 ವರ್ಷ ಗಳ ಕಾಲ ತಮ್ಮ ಶಾಸಕರ ಅವಧಿ ಕಳೆದರು ಯಾವ್ಯಾವ ಸಮಾಜಕ್ಕೆ ಏನೇನು ಆದ್ಯತೆ ನೀಡಿದ್ದರು ಎಂಬುದನ್ನು ಅವರೇಹೇಳಲಿ ಎಂದರು.

ಈ ಸಂದರ್ಭದಲ್ಲಿ ಶಕ್ತಿಕೇಂದ್ರದ ಅಧ್ಯಕ್ಷ ಆಚಾಪುರ ಶಾಂತಕುಮಾರ್, ಬಿಜೆಪಿ ಪ್ರಮುಖರಾದ ಜಿಲ್ಲಾಪಂಚಾಯತ್ ಮಾಜಿ ಸದಸ್ಯ ಹೊನಗೋಡು ರತ್ನಾಕರ್ ಮುಂತಾದವರಿದ್ದರು. ಸಾವಿರಾರು ಕಾರ್ಯಕರ್ತರು ಬೈಕ್ ರ‍್ಯಾಲಿಯನ್ನು ದಾಸಕೊಪ್ಪದಿಂದ ಆನಂದಪುರ ಬಸ್ ನಿಲ್ದಾಣವರೆಗೆ ನಡೆಸಿದರು.

 ಸುದ್ದಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ :+91 9743225795