ವಿಜಯ ಸಂಘರ್ಷ
ಭದ್ರಾವತಿ: ಸಿದ್ದಗಂಗಾ ಮಠದ ಲಿಂಗೈಕ್ಯ ಡಾ.ಶ್ರೀ ಶಿವಕುಮಾರ ಸ್ವಾಮೀಜಿಯವರ ಐದನೇ ವರ್ಷದ ಪುಣ್ಯತಿಥಿಯ ಅಂಗವಾಗಿ ಸಿದ್ಧಾರೂಢ ನಗರದ ನಿವಾಸಿಗಳು ದಾಸೋಹ ದಿನವನ್ನು ಆಚರಿಸಿದರು.
ಕಾರ್ಯಕ್ರಮದ ನೇತೃತ್ವವಹಿಸಿದ್ದ ಮುಖಂಡರಾದ ಸಿದ್ದಲಿಂಗಯ್ಯ ಮಾತನಾಡಿ, ಶಿವಕುಮಾರ ಸ್ವಾಮೀಜಿ ಯವರನ್ನು ಭದ್ರಾವತಿಗೆ ಕರೆತಂದು ಸನ್ಮಾನಿಸಿದ ದಿನಗಳ ನೆನಪು ಸ್ಮರಣೀಯ ವಾದದ್ದು. ಅವರ ಆದರ್ಶಗಳನ್ನು ನಾವು ನೀವೆಲ್ಲರೂ ಪಾಲಿಸೋಣ ಎಂದು ಕರೆನೀಡಿದರು.
ಸಾಹಿತಿ ಹಾಗು ಶಿಕ್ಷಕ ಹರೋನಹಳ್ಳಿ ಸ್ವಾಮಿ ಮಾತನಾಡಿ, ನಾಡಿನ ಲಕ್ಷಾಂತರ ಬಡ ಮಕ್ಕಳಿಗೆ ಉಚಿತ ಅನ್ನ ನೀಡಿ ವಿದ್ಯೆ ಕೊಟ್ಟು ಸುಸಂಸ್ಕೃತ ರನ್ನಾಗಿಸುವ ಕೆಲಸ ಮಾಡಿರುವ ಸ್ವಾಮೀಜಿ ಯವರು ಇಡೀ ವಿಶ್ವಕ್ಕೆ ಮಾದರಿಯಾಗಿರುವವರು. ಇವರ ಪುಣ್ಯ ಸ್ಮರಣೆಯಲ್ಲಿ ಭಾಗವಹಿಸುವುದೇ ನಮ್ಮ ಭಾಗ್ಯ ಎಂದರು.
ಕಾರ್ಯಕ್ರಮದಲ್ಲಿ ಸಿದ್ಧಾರೂಢ ನಗರದ ಪ್ರಮುಖರಾದ ಶಾಂತಕುಮಾರ್ , ಪೂರ್ಣಿಮಾ, ಲತಾ ಕುಮಾರಿ, ಸುಮಾ, ರೇಖಾ, ವಾಸಣ್ಣ ಸೇರಿದಂತೆ ಅನೇಕರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.