**ನಾನೇಕೆ ಬರೆಯುತ್ತೇನೆ**

ವಿಜಯ ಸಂಘರ್ಷ 

ಬೇಸರಿಕೆ ಆಸರಿಕೆ ಏನಿರಲಿ

ಎಲ್ಲಕ್ಕೂ ಜೊತೆ ಕಾವ್ಯ ಕನ್ನಿಕೆ

ಮನಸಾರೆ ಮೈದುಂಬಿ ಬರಲಿ

ನನ್ನೊಳಗೆ ಆವಿರ್ಭಸುವಾಕೆ

ಕವಿತೆ ಎಂದರೆ ನನ್ನ ಸುರಭಿ

ಗೀಚುವ ಪದಗಳಿಗಿಲ್ಲ ಪರಿಧಿ

ಅಂತರಂಗದಲಿಹ ಆ ಬೇಗುದಿ

ವಿಸ್ತ್ರುತವಾಗುವುದೇ ಪದದಿ

ಕೊನೆಯಿಲ್ಲದ ಕಲಿಕೆಯೊಳು

ಕೊನೆಯಾಗದಿರಲಿ ಅಕ್ಕರಗಳು

ಅಕ್ಷಯವಾಗಲಿ ಪುಟಪುಟಗಳು

ತಿರುವಿದಷ್ಟು ಬಾಳು ಬೆಳದಿಂಗಳು.

ಭಾವನೆಗಳ ಭವಸಾಗರದಿ ನಾನು

ಬರವಣಿಗೆಯಲ್ಲೇ ಮೀಯುತ್ತೇನೆ

ಬದುಕಿನೆಲ್ಲ ಬವಣೆಗಳ ಆ ಕಾನು

ಉಪೇಕ್ಷಿಸಲು ಶ್ರಮಿಸುತ್ತಲೇ ಇದ್ದೇನೆ

ಪ್ರತಿಭೆಯ ಸಾರ ಚಿಮ್ಮಿ ಹೊಮ್ಮಿರಲು

ತಡೆಯೊಡ್ಡಿದೆ ಅಡೆತಡೆಗೆ ಅಂಕೆಯಿರದೆ

ರೀತಿ ರಿವಾಜುಗಳ ಎಲ್ಲೆ ಮೀರಿರಲು

ಅಜ್ಞಾತವಾಸಕ್ಕೆ ನಾಂದಿಯ ಹಾಡಿದೆ 

, ✍️ಮಾಲಾ ಚೆಲುವನಹಳ್ಳಿ